Hai tradicións que cómpre recuperar, non por nostalxia, senón porque tiñan sentido. Comprar un tenreiro ou poldro enteiro —ou medio canal— era unha forma de garantir alimento de calidade para toda a familia durante meses. Un acto de previsión, confianza e vínculo co territorio.
En As Vacas Dos Meus quero volver a esa práctica, adaptándoa aos tempos actuais. Ofrézoche a posibilidade de adquirir un tenreiro criado con coidado e paciencia, no corazón da Serra do Xistral, baixo os criterios máis esixentes de benestar animal, sostibilidade e calidade nutricional.
Os nosos animais non se producen en cadea: críanse co ritmo da natureza e do respecto. Se queres garantir a túa canal, ponte en contacto comigo. Estarei encantada de explicarche todo o proceso.
